Foto: Krisha.kz
Qarjy monitoringi agenttiginiń Astana qalasy boiynsha departamenti «Qyran» turǵyn úi kesheninde jyljymaityn múlikti satý jeleýimen jasalǵan milliardtaǵan qarjy jymqyrý faktisi boiynsha tergeý júrgizip jatyr, dep habarlaidy Ult.kz.
QMA málimetinshe, qurylys kompaniiasynyń birqatar qyzmetkerleri páter, kommertsiialyq úi-jai jáne parking oryndaryn satý atymen azamattardyń qarjysyn zańsyz iemdengen.
Satý keńsesinde satyp alýshylarǵa kompaniianyń jyljymaityn múlik nysandaryna menshik quqyǵyn «dáleldeitin» maketter, tehnikalyq pasporttar, senimhattar men anyqtamalar kórsetilgen. Usynylǵan obektiler naryqtyq baǵadan tómen bolǵan jáne mámilelerdiń tolyq zańdy ekeni aitylǵan.
Alaida naqty satyp alý-satý sharttaryn jasaý ornyna kúdiktiler brondaý sharttaryn, kepil kelisimderin jáne aldyn ala sharttardy rásimdegen. Bul qujattar memlekettik tirkeýge jatpaidy jáne menshik quqyǵyn bermeidi.
Jábirlenýshiler tólemdi qolma-qol nemese kúdiktilerdiń jeke shottaryna aýdarǵan. «International Invest Company IIC» JShS-niń býhgalterlik jáne banktik qujattarynda bul operatsiialar kórsetilmegen. Nátijesinde azamattardan 3,8 mlrd teńgeden astam qarajat jymqyrylǵan.
Sonymen qatar, kúdiktiler ekinshi alaiaqtyq shemany iske asyrǵan: qurylys kompaniiasy atynan klienttermen jalǵan satyp alý-satý sharttaryn jasap, obektilerge menshik quqyǵyn tirkegen, alaida túsken qarajat kompaniia kassasyna jetkizilmegen. 76 obektiniń satylýynan taǵy 4,1 mlrd teńge urlanǵan.
Osylaisha azamattar men kompaniiaǵa keltirilgen jalpy zalal 7,9 mlrd teńgeni qurady.
Sot sanktsiiasymen 94 páterge, 51 parkingke, 8 kommertsiialyq úi-jaiǵa jáne bir avtokólikke tyiym salyndy. Úsh kúdikti qamaýǵa alyndy.
QR QPK-niń 201-babyna sáikes ózge málimet tergeý múddesine bailanysty jariialanbaidy.
