Nursultan Nazarbaevqa BAÁ ókilderimen ótken kezdesý barysynda Astanadaǵy sýly jasyl jelekjoldy kúmbezben jabý usynyldy. Sáýletshilerdiń aitýynsha, shyny túrindegi kúmbez jelekjoldy qolaisyz aýa raiynan qorǵap turady, - dep habarlaidy "Ult aqparat" kaz.tengrinews.kz portalyna silteme jasap.
Astana ákimdigindegiler qazirgi ýaqytta bul jobanyń tek talqylanyp jatqanyn jáne ol týraly aitýǵa áli erte ekenin aityp ótti.
Sáýletshilerdiń aitýynsha, jelekjol kúmbezben jabylatyn bolady. Sondyqtan onda kez kelgen ýaqytta jyly aýa raiy saqtalady. Al, jazǵy ýaqytta kúmbezder ashylady.
Sondai-aq, osy mańda oiyn-saýyq ortalyqtaryn jáne 6 myń kólikke arnalǵan turaq salý usynylyp otyr.
Al Astana sport city qalashyǵy óz kezeginde "Astana Arena" stadionyn, "Barys-Arena" muz qalashyǵyn, "Alaý" muz aidynyn jáne "Saryarqa" velotregin biriktirýge múmkindik beredi.
"Bizdiń áleýet Astanada jáne jalpy Qazaqstanda qajet bolady dep sondai-aq, eldiń damý tarihyna óz izin qaldyryp ketedi dep senemin", - dedi Calatrava Grace Corporation kompaniiasynyń atqarýshy direktory Maikl Kalatrav.
Birikken Arab Ámirligi, Ábý-Dabi qalasy. Aqordanyń baspasóz qyzmeti.
Calatrava kompaniiasynyń bul jobada tek sáýletshi retinde emes, sondai-aq, investor retinde qyzmet etetini belgili boldy. Ol osy jobaǵa jeke qarajatynyń 15 paiyzyn jumsaýdy josparlap otyr. Aqordanyń baspasóz qyzmetindegilerdiń málimetinshe, búginde bul kompaniianyń 32 elde 340 jobasy bar.
Eske sala keteiik, Qazaqstan Prezidenti Nursultan Nazarbaev 15 qańtarda BAÁ biznesmenderimen kezdesken bolatyn. Nazarbaev BAÁ biznesmenderiniń qandai tájiribesi qyzyqtyratynyn aitqan edi. "Táýelsizdik jyldary elimizdiń ekonomikasyna jumsalǵan sheteldik tikelei investitsiia 265 milliard dollardan asady. Dúniejúzilik banktiń "Biznes júrgizý jeńildigi" reitinginde Qazaqstan 35-orynǵa ie boldy. Búgingi tańda 56 memlekettiń azamattary Qazaqstanǵa vizasyz kele alady. Olardyń qatarynda Birikken Arab Ámirlikteri de bar", - degen edi Nursultan Nazarbaev.
.jpeg)