Astananyń Avtomatika aýylyndaǵy munai bazasynyń aýmaǵynda 500 sharshy metr jer órtendi, dep habarlaidy Vaq.kz aqparat agenttigi. Aqparatty QR IIM TJ komitetinde rastady.
«24 qańtarda saǵat 18.17-de Saryarqa aýdanynyń Avtomatika turǵyn-úi alqabynda ornalasqan «Inoil LTD» JShS munai bazasynda órt boldy. Eki qabattan turatyn ákimshilik-óndiristik ǵimarattyń ústińgi qabatynda órt shyǵyp, shatyryna deiin sharpydy. 500 sharshy metr jer órtendi», - dep málimdedi IIM TJK resmi ókili Rýslan Imanqulov.
Órt saǵat 22.12-de sóndirildi. Munai bazasynyń qyzmetkerleri órt kezinde ózderi shyǵyp úlgergen. Eshkim zardap shekpedi. Órtti sóndirýge 60 órt sóndirýshi men 14 arnaiy tehnika jumyldyryldy. Qazir órttiń sebebi anyqtalyp jatyr.
