Foto: Kazakh Tourism
Bedeldi Condé Nast Traveler jýrnaly jyl saiynǵy Readers’ Choice Awards reitingisin qorytyndylady. Biyl qazaqstandyq The Ritz-Carlton, Astana álemdegi eń úzdik 50 qonaq úidiń qataryna kirip, týrizm salasyndaǵy mańyzdy marapattardyń birin ielendi, dep habarlaidy Ult.kz.
Daýys berýge álemniń túkpir-túkpirinen 750 000 astam adam qatysty. “The World’s 50 Best Hotels” sanaty arqyly jyl saiyn qonaqjailylyq indýstriiasyndaǵy jetistikter atap ótiledi.
The Ritz-Carlton, Astana álemge áigili qonaq úilermen qatar úzdik dep tanyldy. Bul mańyzdy jetistik qazaqstandyq qonaq úidiń servis pen qonaqjailylyqtyń joǵary álemdik standarttaryna sáikes keletindigin kórsetedi.
Halyqaralyq bedeldi basylymdardyń joǵary baǵasy Qazaqstannyń týristik áleýeti tartymdylyǵynyń artqanyn kórsetedi. Buǵan deiin Condé Nast Traveler jáne Wanderlust jýrnaldary Qazaqstandy 2024 jylǵy saiahattaýǵa arnalǵan álemniń úzdik baǵyttarynyń qataryna qosty. Al Lonely Planet Best in Travel 2025 reitinginde Qazaqstan barýǵa turarlyq elderdiń tizimine endi.
