Foto: Aqorda
Qazaqstan Prezidenti Qasym-Jomart Toqaev pen Italiia Prezidenti Serdjo Mattarella Astanada keńeitilgen quramdaǵy kelissózder ótkizip, ekijaqty qarym-qatynastardyń negizgi baǵyttaryn talqylady, dep habarlaidy Ult.kz.
Memleket basshysy Qazaqstan men Italiia arasyndaǵy yntymaqtastyq berik saiasi dialogqa, qarqyndy ekonomikalyq seriktestikke jáne mádeni-gýmanitarlyq bailanystarǵa negizdelgenin atap ótti. Ol Italiianyń Qazaqstan ekonomikasyna sońǵy jiyrma jylda 7,6 mlrd dollar investitsiia salǵanyn jáne búginde elimizde 250-den astam italiialyq kompaniia tabysty jumys istep jatqanyn aitty.
Qasym-Jomart Toqaev yntymaqtastyqty damytýdyń perspektivti salalaryn da atap ótti. Olardyń qatarynda asa mańyzdy shikizat materialdary, munai-himiia, mashina jasaý, kólik-logistika, jeńil ónerkásip, jasandy intellekt, qarjy, týrizm jáne bilim berý bar.
Taraptar BUU jáne halyqaralyq uiymdar aiasyndaǵy ózara yqpaldastyqty joǵary baǵalap, biyl ótken «Ortalyq Aziia – Italiia» sammitiniń mańyzyn atap ótti. Sondai-aq, mádeni-gýmanitarlyq saladaǵy bailanystarǵa erekshe kóńil bólinip, Astanadaǵy bir kóshege áigili saiahatshy Marko Polonyń esimi beriletini aityldy.
Seriktestikti damytýǵa qosqan úlesi úshin Memleket basshysy Serdjo Mattarellany I dárejeli «Dostyq» ordenimen marapattady. Óz kezeginde Italiia Prezidenti Qasym-Jomart Toqaevqa eldiń eń joǵary nagradasy – «Italiia Respýblikasyna sińirgen eńbegi úshin» ordenin tabystady.
Kezdesýdiń qorytyndysy boiynsha taraptar Qazaqstan–Italiia qarym-qatynastarynyń jańa beleske kóteriletinine senim bildirdi.
