فوتو: اقوردا
قازاقستان پرەزيدەنتٸ قاسىم-جومارت توقاەۆ پەن يتالييا پرەزيدەنتٸ سەردجو ماتتارەللا استانادا كەڭەيتٸلگەن قۇرامداعى كەلٸسسٶزدەر ٶتكٸزٸپ, ەكٸجاقتى قارىم-قاتىناستاردىڭ نەگٸزگٸ باعىتتارىن تالقىلادى, دەپ حابارلايدى Ult.kz.
مەملەكەت باسشىسى قازاقستان مەن يتالييا اراسىنداعى ىنتىماقتاستىق بەرٸك ساياسي ديالوگقا, قارقىندى ەكونوميكالىق سەرٸكتەستٸككە جەنە مەدەني-گۋمانيتارلىق بايلانىستارعا نەگٸزدەلگەنٸن اتاپ ٶتتٸ. ول يتالييانىڭ قازاقستان ەكونوميكاسىنا سوڭعى جيىرما جىلدا 7,6 ملرد دوللار ينۆەستيتسييا سالعانىن جەنە بٷگٸندە ەلٸمٸزدە 250-دەن استام يتالييالىق كومپانييا تابىستى جۇمىس ٸستەپ جاتقانىن ايتتى.
قاسىم-جومارت توقاەۆ ىنتىماقتاستىقتى دامىتۋدىڭ پەرسپەكتيۆتٸ سالالارىن دا اتاپ ٶتتٸ. ولاردىڭ قاتارىندا اسا ماڭىزدى شيكٸزات ماتەريالدارى, مۇناي-حيمييا, ماشينا جاساۋ, كٶلٸك-لوگيستيكا, جەڭٸل ٶنەركەسٸپ, جاساندى ينتەللەكت, قارجى, تۋريزم جەنە بٸلٸم بەرۋ بار.
تاراپتار بۇۇ جەنە حالىقارالىق ۇيىمدار اياسىنداعى ٶزارا ىقپالداستىقتى جوعارى باعالاپ, بيىل ٶتكەن «ورتالىق ازييا – يتالييا» سامميتٸنٸڭ ماڭىزىن اتاپ ٶتتٸ. سونداي-اق, مەدەني-گۋمانيتارلىق سالاداعى بايلانىستارعا ەرەكشە كٶڭٸل بٶلٸنٸپ, استاناداعى بٸر كٶشەگە ەيگٸلٸ ساياحاتشى ماركو پولونىڭ ەسٸمٸ بەرٸلەتٸنٸ ايتىلدى.
سەرٸكتەستٸكتٸ دامىتۋعا قوسقان ٷلەسٸ ٷشٸن مەملەكەت باسشىسى سەردجو ماتتارەللانى ٸ دەرەجەلٸ «دوستىق» وردەنٸمەن ماراپاتتادى. ٶز كەزەگٸندە يتالييا پرەزيدەنتٸ قاسىم-جومارت توقاەۆقا ەلدٸڭ ەڭ جوعارى ناگراداسى – «يتالييا رەسپۋبليكاسىنا سٸڭٸرگەن ەڭبەگٸ ٷشٸن» وردەنٸن تابىستادى.
كەزدەسۋدٸڭ قورىتىندىسى بويىنشا تاراپتار قازاقستان–يتالييا قارىم-قاتىناستارىنىڭ جاڭا بەلەسكە كٶتەرٸلەتٸنٸنە سەنٸم بٸلدٸردٸ.
