Astanadaǵy «Barys City» turǵyn úi kesheninde órt boldy. Ekinshi qabattaǵy páterdiń balkony janǵan, dep habarlaidy QazAqparat.
Elordalyq TJD baspasóz qyzmeti málim etkendei, Órt sóndirý qyzmetine búgin saǵat 08:28-de Turan 46 a dańǵylyndaǵy «Barys City» turǵyn úi kesheinde órt bolyp jatqany týraly habar kelip túsken. Oqiǵa ornyna jetken órt sóndirýshiler ekinshi qabattaǵy páterdiń balkony janyp jatqanyn anyqtady.
«Qatty tútin boldy. Jedel jáne úilesimdi is-qimyldyń nátijesinde qutqarýshylar turǵyndardy evakýatsiialaýǵa kiristi. 16 adamdy evakýatsiialady. Onyń 6-aýy – bala. Saǵat 09:10-da órt sóndirildi, zardap shekkender joq. Órt 20 sharshy metr aýmaqty sharpyǵan. Órtti sóndirýge 12 qyzmetker men 3 tehnika jumyldyryldy», - dep habarlady Astana qalalyq TJD baspasóz qyzmeti.
