AQMOLA OBLYSYNYŃ ÁKIMI
SERGEI KÝLAGIN MYRZAǴA!
«Sofievka – Aqmola bolysy Tselinograd aýdanyndaǵy aýyl, aýyldyq okrýg ortalyǵy.
Aýyl - aýdan Aýdan ortalyǵy Aqmol aýylynan soltústik-shyǵysqa qarai 63 km-dei, Astana qalasynan soltústik-shyǵysqa qarai 22 km-dei jerde, Sileti ózeniniń jaǵalaýynda ornalasqan.
Halqy: 2009 jylǵy esep boiynsha 2,0 myń adam.
Tarihy: Irgesi 1954 jyly tyń jáne tyńaiǵan jerlerdi igerýge bailanysty qalandy. 1965 –96 jyldary astyq ósiretin keńshardyń ortalyǵy bolǵan. Sofievkada keńshar negizinde qurylǵan sharýa qojalyqtary jumys isteidi» (Ýikipediia — ashyq entsiklopediiasynan alynǵan málimet).
Jolym túsip Astana qalasynyń mańyna saparǵa shyqtym. Aldymnan turǵyndarynyń basym kópshiligi (bári dese de bolady) qazaqtardan turatyn "Sofievka" degen eldi meken kezdesti. Jergilikti turǵyndar «Safinka» dep ataidy eken. Sol jerdegi turǵyndardan aýylyńyzdyń aty nege "Safinka" dep suradym.
Mynaý sol aýyl turǵyndarynyń ashyna otyryp bergen jaýaby:
Keshegi Keńes zamanynda osy aýylda qoldan araq (samogon) jasap satatyn Sofiia degen kempir turypty. Sol jerdegi tyń igerýshiler men sol mańda turatyn ózge de turǵyndardyń bári sol kempirden, tipti alys jerlerden de kelip samogon satyp alatyn bolypty. Sodan sol eldi meken kúni búginge deiin "Safinka", sol aýylǵa baratyn jol "Sofinskaia trassa" dep atalyp keledi eken.
Sol Sofiianyń araǵynyn qanshama adam zardap shegip jumystan qýyldy, otbasynan ajyrady, qanshama adam sol trassa da mas kúiinde jol oqiǵasyna ushyrap, ómirlerimen qosh aitysty nemese jarymjan bolyp qaldy deseńizshi.
Obaly ne kerek, aýyl turǵyndary bul máseleni san ret kótergen. Aýyldyń bas kóterer, esti azamattary talai ret BAQ-tarda da jariialap eldi meken ataýyn ózgertýdi ótingen. Biraq selt etken bir basshy bolmapty.
Atam Qazaqtyń Ata salty, soǵan sáikes Qazaqstan Respýblikasy zań talaptary boiynsha da eldi meken, dańǵyl, kóshe ataýlaryna halqyna qaltqysyz qymet jasap, urpaǵyna úlgi bolǵan ul-qyzdarynyń aty beriledi.
Araq musylman balasy úshin aramǵa sanalady. Bul Qasietti Quran Kárimde de aiqyn kórsetilgen. Al Bizdiń bilik osy aram aspen eldi bylǵaǵan kisiniń atyna eldi meken ataýyn berip qoiyp únsiz otyr.
Qasietti Quran Kárimniń, Atam Qazaqtyń Ata saltynyń jáne Qazaqstan Respýblikasy zańdarynyń talaptaryna sáikes tiisti sharasyn alýyńyzdy ótinemin!
Qojyrbaiuly Muhambetkárim, Mańǵystaý
Ult portaly
