Astanada áýejaiǵa jarylǵysh zat qoiylǵany týraly jalǵan habar taraldy, dep habarlaidy QazAqparat QR Terrorizmge qarsy ortalyǵynyń baspasóz qyzmetine silteme jasap.
18 sáýir kúni keshke N.Nazarbaev halyqaralyq áýejaiynyń elektrondy poshtasyna «áýe ailaǵyna mina qoiylǵany « týraly anonimdi eki habarlama kelip túsken.
Oqiǵa ornyna dereý jedel áreket etý qyzmeti kelip, nysandy teksergenimen jarylǵysh qurylǵylar men zattar tabylmady.
Tártip saqshylary jalǵan habarlamany taratqan adamdy anyqtaý maqsatynda jedel-izdestirý sharalaryn júrgizýde.
Atalǵan fakti boiynsha QR QK 273 baby «Terrorizm týraly kórineý jalǵan aqparat taratý» negizinde (5 ailyq eseptik kórsetkish kóleminde aiyppul salý nemese osy mólsherdegi somaǵa túzetý jumystaryna jegý, sondai-aq 5 jylǵa deiin bas bostandyǵyn shekteý men osy merzimge bas bostandyǵynan aiyrý jazasy qarastyrylǵan) jaýapkershilik qarastyrylǵan.
