Astanada áieldiń qaza bolýyna bailanysty qyzmettik salǵyrttyq boiynsha tórt burynǵy politsei ustaldy, dep habarlaidy ult.kz.
IIM Ózindik qaýipsizdik departamentiniń qyzmettik tekserýi nátijesinde tórt qyzmetker teris sebeptermen jumystan shyǵarylǵan. Olardyń qatarynda eki aýdandyq politsiia basqarmasynyń bastyǵy men orynbasarlary bar.
Sonymen qatar Astana qalasy politsiia departamentiniń bastyǵy men onyń orynbasary qatań tártiptik jaýapkershilikke tartyldy.
Qyzmetke salǵyrt qaraý faktisi boiynsha qylmystyq is qozǵalyp, tergeý barysynda tórt burynǵy politsei ustaldy. Is Ishki ister ministriniń erekshe baqylaýyna alynǵan.
Eske salaiyq, 22 qyrkúiekte Astanada áiel adam pyshaq jaraqatynan kóz jumǵan. Kúdikti ustalyp, ýaqytsha ustaý izoliatoryna qamaldy. Politsiia buǵan deiin onyń óz qyzmetkeri bolǵany týraly aqparatty joqqa shyǵarǵan edi.
