استانادا ەيەلدٸڭ قازا بولۋىنا بايلانىستى قىزمەتتٸك سالعىرتتىق بويىنشا تٶرت بۇرىنعى پوليتسەي ۇستالدى, دەپ حابارلايدى ult.kz.
ٸٸم ٶزٸندٸك قاۋٸپسٸزدٸك دەپارتامەنتٸنٸڭ قىزمەتتٸك تەكسەرۋٸ نەتيجەسٸندە تٶرت قىزمەتكەر تەرٸس سەبەپتەرمەن جۇمىستان شىعارىلعان. ولاردىڭ قاتارىندا ەكٸ اۋداندىق پوليتسييا باسقارماسىنىڭ باستىعى مەن ورىنباسارلارى بار.
سونىمەن قاتار استانا قالاسى پوليتسييا دەپارتامەنتٸنٸڭ باستىعى مەن ونىڭ ورىنباسارى قاتاڭ تەرتٸپتٸك جاۋاپكەرشٸلٸككە تارتىلدى.
قىزمەتكە سالعىرت قاراۋ فاكتٸسٸ بويىنشا قىلمىستىق ٸس قوزعالىپ, تەرگەۋ بارىسىندا تٶرت بۇرىنعى پوليتسەي ۇستالدى. ٸس ٸشكٸ ٸستەر مينيسترٸنٸڭ ەرەكشە باقىلاۋىنا الىنعان.
ەسكە سالايىق, 22 قىركٷيەكتە استانادا ەيەل ادام پىشاق جاراقاتىنان كٶز جۇمعان. كٷدٸكتٸ ۇستالىپ, ۋاقىتشا ۇستاۋ يزولياتورىنا قامالدى. پوليتسييا بۇعان دەيٸن ونىڭ ٶز قىزمەتكەرٸ بولعانى تۋرالى اقپاراتتى جوققا شىعارعان ەدٸ.
