Astanada jihaz daiyndaýǵa tapsyrys qabyldap, azamattardyń aqshasyn iemdengen eki alaiaq 6 jylǵa bas bostandyǵynan aiyryldy, dep habarlaidy ult.kz.
Qalalyq prokýratýranyń málimetinshe, sottalǵandar áleýmettik jelide jihaz jasaý týraly jalǵan jarnama jariialaǵan. Jábirlenýshilerdiń biri tapsyrys bergennen keiin ólshemder alynyp, odan 4,5 mln teńge aýdarylǵan. Alaida aqsha túsken soń kúdiktiler bailanysqa shyqpai qoiǵan.
Tergeý barysynda olardyń áreketinen 19 azamat zardap shekkeni, al keltirilgen zalaldyń jalpy somasy 24,6 mln teńgeden asqany anyqtaldy.
Sot árqaisysyna 6 jylǵa bas bostandyǵynan aiyrý jazasyn taǵaiyndap, 10 jyl boiy kommertsiialyq jáne kommertsiialyq emes uiymdarda basshylyq qyzmet atqarý quqyǵynan aiyrdy.
Jábirlenýshilerdiń azamattyq talap-aryzdary tolyq qanaǵattandyrylyp, keltirilgen zalal sottalǵandardan óndiriletin boldy.
