Elordada alkogoldik ishimdikke toiyp alyp, tóbeles shyǵarǵan er adam 15 táýlikke qamaýǵa alyndy, dep habarlaidy "Ult aqparat" Nur-Sultan qalasy politsiia departamentine silteme jasap.
«36 jastaǵy er adam áieliniń jumystan ýaqytyly shyqpaǵany úshin janjal shyǵardy. Zaiyby jumystan 15 minýt keshigip shyqqan. Úige bara jatqan kezde kúieýi ony qorqytyp, balaǵattaǵan. Alaida janjal osymen aiaqtalmai, úige jetkende, er adam kelinshegin bir soǵyp, úiden ketip qalǵan. Tańǵy 05.00-de úige oralyp, áieliniń aiaǵy aýyr ekenine qaramastan ony soqqyǵa jyqqan. Arashalaýǵa tyrysqan enesi de taiaq jedi. Egde jastaǵy áiel politsiianyń ýchaskelik inspektorynan kómek surady», - dep baiandady PD baspasóz qyzmetinen.
Ýchaskelik inspektor oqiǵa ornyna birden kelip jetti. Ol ishimdikke sylqiia toiǵan er adamnyń agressiialyq áreketin toqtatty.
Janjalqoi er adamǵa qatysty ákimshilik óndiris qozǵaldy. Budan basqa, onyń tártibine bir jylǵa erekshe talap ornatylǵan.
Sot sheshimimen, er adam 15 táýlikke qamaýǵa alyndy.
35 jastaǵy áiel Esil aýdandyq politsiia basqarmasynyń ýchaskelik inspektory Nurlan Moldabekovke ýaqytyly kórsetken kómegi úshin alǵysyn jetkizdi.
