Foto: videodan skrinshot
Astanadaǵy №2 qalalyq kópbeiindi aýrýhanada qaiǵyly oqiǵa boldy. Palatadaǵy kýágerdiń aitýynsha, júkti áiel qansyrap, dárigerlerden kómek suraǵanyna qaramastan, meditsinalyq kómek ýaqtyly kórsetilmei, sábiinen aiyrylǵan, dep habarlaidy Ult.kz.
Oqiǵa Manas kóshesi, 22 mekenjaiyndaǵy aýrýhanada tirkelgen. Patsienttiń aitýynsha, kórshisi eki kún buryn júktiligine qaýip tóngeni úshin aýrýhanaǵa túsken, jaǵdaiy qalypty bolǵan. Alaida búgin áieldiń jaǵdaiy kúrt nasharlap, qatty qan ketip, aýyrsynýdan jylap, kómek suraǵan.
«Men ózim de sol palatada jattym. Daýystap dárigerlerdi shaqyrdym, medbikelerden bir áreket jasaýdy ótindim. Biraq olar "dáriger ruqsat bermeiinshe eshteńe istei almaimyz" dep qol qýsyryp otyrdy. Dáriger tek 1 saǵat 45 minýttan keiin ǵana keldi. Ol kezde bári kesh boldy», – deidi kýáger.
Bul jaǵdai qoǵamda úlken alańdaýshylyq týǵyzdy. Jeli qoldanýshylary meditsina qyzmetkerleriniń salǵyrttyǵyna narazy. «Aýrýhana – ómirińdi saqtaýǵa baratyn jer, al biz bul jerde ólim kútip otyramyz ba?» degen ashy suraqtar qoiylýda.
Áiel osy ýaqytqa deiin baqylaýda bolýy tiis edi. Biraq kýágerdiń aitýynsha, naýqastar palatada em emes, tek jatýǵa májbúr. Qan ketip, qaýip tóngen sátte eshqandai jedel áreket bolmaǵan.
Qoǵam belsendileri men azamattar bul oqiǵaǵa jaýapty tulǵalardyń jaýap berýin, meditsina salasyndaǵy júieli máselelerdi qaita qaraýdy talap etýde.
Qazirgi ýaqytta bul jaǵdaiǵa bailanysty resmi túsinikteme berilgen joq. Jergilikti densaýlyq saqtaý basqarmasynan jaýap kútilýde.
