فوتو: ۆيدەودان سكرينشوت
استاناداعى №2 قالالىق كٶپبەيٸندٸ اۋرۋحانادا قايعىلى وقيعا بولدى. پالاتاداعى كۋەگەردٸڭ ايتۋىنشا, جٷكتٸ ەيەل قانسىراپ, دەرٸگەرلەردەن كٶمەك سۇراعانىنا قاراماستان, مەديتسينالىق كٶمەك ۋاقتىلى كٶرسەتٸلمەي, سەبيٸنەن ايىرىلعان, دەپ حابارلايدى Ult.kz.
وقيعا ماناس كٶشەسٸ, 22 مەكەنجايىنداعى اۋرۋحانادا تٸركەلگەن. پاتسيەنتتٸڭ ايتۋىنشا, كٶرشٸسٸ ەكٸ كٷن بۇرىن جٷكتٸلٸگٸنە قاۋٸپ تٶنگەنٸ ٷشٸن اۋرۋحاناعا تٷسكەن, جاعدايى قالىپتى بولعان. الايدا بٷگٸن ەيەلدٸڭ جاعدايى كٷرت ناشارلاپ, قاتتى قان كەتٸپ, اۋىرسىنۋدان جىلاپ, كٶمەك سۇراعان.
«مەن ٶزٸم دە سول پالاتادا جاتتىم. داۋىستاپ دەرٸگەرلەردٸ شاقىردىم, مەدبيكەلەردەن بٸر ەرەكەت جاساۋدى ٶتٸندٸم. بٸراق ولار "دەرٸگەر رۇقسات بەرمەيٸنشە ەشتەڭە ٸستەي المايمىز" دەپ قول قۋسىرىپ وتىردى. دەرٸگەر تەك 1 ساعات 45 مينۋتتان كەيٸن عانا كەلدٸ. ول كەزدە بەرٸ كەش بولدى», – دەيدٸ كۋەگەر.
بۇل جاعداي قوعامدا ٷلكەن الاڭداۋشىلىق تۋعىزدى. جەلٸ قولدانۋشىلارى مەديتسينا قىزمەتكەرلەرٸنٸڭ سالعىرتتىعىنا نارازى. «اۋرۋحانا – ٶمٸرٸڭدٸ ساقتاۋعا باراتىن جەر, ال بٸز بۇل جەردە ٶلٸم كٷتٸپ وتىرامىز با?» دەگەن اششى سۇراقتار قويىلۋدا.
ەيەل وسى ۋاقىتقا دەيٸن باقىلاۋدا بولۋى تيٸس ەدٸ. بٸراق كۋەگەردٸڭ ايتۋىنشا, ناۋقاستار پالاتادا ەم ەمەس, تەك جاتۋعا مەجبٷر. قان كەتٸپ, قاۋٸپ تٶنگەن سەتتە ەشقانداي جەدەل ەرەكەت بولماعان.
قوعام بەلسەندٸلەرٸ مەن ازاماتتار بۇل وقيعاعا جاۋاپتى تۇلعالاردىڭ جاۋاپ بەرۋٸن, مەديتسينا سالاسىنداعى جٷيەلٸ مەسەلەلەردٸ قايتا قاراۋدى تالاپ ەتۋدە.
قازٸرگٸ ۋاقىتتا بۇل جاعدايعا بايلانىستى رەسمي تٷسٸنٸكتەمە بەرٸلگەن جوق. جەرگٸلٸكتٸ دەنساۋلىق ساقتاۋ باسقارماسىنان جاۋاپ كٷتٸلۋدە.
