Foto: TJM
Búgin tańerteń elordanyń Saryarqa aýdany, Bulanty kóshesindegi mansard úlgidegi jataqhana ǵimaratynda órt shyqty. Alty qabatty ǵimarattyń mansard qabaty tolyǵymen otqa oranǵan, dep habarlaidy Ult.kz.
Órt týraly habarlama alǵan soń, oqiǵa ornyna tótenshe jaǵdailar qyzmetiniń bólimsheleri dereý jetti. Qutqarýshylardyń aldyn ala barlaý jumystary órttiń 6-qabatta oryn alǵanyn kórsetti. Qaýipsizdikti qamtamasyz etý úshin gaz-tútinnen qorǵaý qyzmetiniń býyndary qurylyp, sýdy úzdiksiz jetkizý uiymdastyryldy.
Qutqarýshylardyń jedel ári úilesimdi is-qimyldarynyń arqasynda:
-
50 adam, onyń ishinde 7 bala evakýatsiialandy;
-
490 adam ózdiginen qaýipsiz jerge shyǵa aldy.
Órt 1600 sharshy metr aýmaqty sharpydy. Tótenshe jaǵdailar ministrliginiń órt zertteý synaq zerthanasy jáne TJD anyqtaý bólimi oqiǵa ornynda jumys istep jatyr. Zardap shekkender joq. Órttiń sebebi anyqtalýda.
Qutqarýshylardyń kásibi daiyndyǵy men shuǵyl áreketteriniń arqasynda adam ómirin saqtap qalýǵa múmkindik týdy. Azamattarǵa saqtyq sharalaryn saqtaý jáne órt qaýipsizdigine erekshe nazar aýdarý eskertiledi.
