23 qańtarda Astana qalasyndaǵy «Nur álem» pavilonynda («EXPO-2017» kórme kesheni) «Táýelsizdiktiń urpaqtary» ataýymen Jastar jylynyń ashylý saltanaty ótedi, dep habarlaidy "Ult aqparat" QR Qoǵamdyq damý ministrliginiń baspasóz qyzmetine silteme jasap.
Is-sharaǵa Memleket basshysy, Úkimet músheleri, QR Parlamenti depýtattary, jergilikti atqarýshy organdar basshylary, QR Prezidenti janyndaǵy Jastar saiasaty keńesiniń músheleri, «100 jańa esim» baiqaýynyń jeńimpazdary, «Bolashaq» baǵdarlamasynyń túlekteri, jas ǵalymdar, shyǵarmashylyq, stýdenttik jáne jumysshy jastar ókilderi, jas sportshylar, daryndy balalar, zamanaýi media salasynyń ókilderi, balalar úiiniń tárbielenýshileri men túlekteri, jas áskeri qyzmetkerler jáne t.b. qatysady dep kútilýde.
Osylaisha, elimizde memlekettik jastar saiasatyn jan-jaqty qoldaý men júzege asyrýǵa baǵyttalǵan aýqymdy is-qimyl josparyn iske asyrý bastaý alatyn bolady. Is-shara barysynda jastar júzege asyrǵan tabysty jobalar men jańa ónimderder tanystyrylady.
Spikerler retinde ár túrli salalardaǵy jetistikterge jetken jas qazaqstandyqtar baiandama jasaidy. Máselen, tanymal kásipkerler, startaptar, eriktiler, aýyl sharýashylyǵy, ǵylym jáne ádebiet salasyndaǵy mamandar sóz sóileidi dep kútilýde.
Eske sala ketsek, Qazaqstan Respýblikasynyń Prezidenti N.Á.Nazarbaevtyń Jarlyǵymen 2019 jyl Jastar jyly dep jariialandy.
.jpeg)