Elordada tún ishinde oiyn klýbynda júrgen 6 jasóspirim anyqtaldy. Bul týraly Nur-Sultan qalalyq Politsiia departamentinen málim etti, dep habarlaidy "Ult aqparat".
«Nur-Sultan qalalyq PD «Saryarqa« aýdandyq iývenaldy politsiiasynyń qyzmetkerleri saǵat 23:36-da Esenberlin kóshesi boiyndaǵy «Djaks« oiyn klýbyn tekserý barysynda 14-17 jastaǵy 6 jasóspirimdi anyqtady. Olardyń ata-analary balalaryn qaraýsyz jibergeni úshin tún ortasynda mán-jaidy anyqtaý úshin politsiia bólimshesine kelýge májbúr boldy», - delingen vedomstvo taratqan aqparatta.
Departament málimetinshe, jasóspirimderdiń zańdy ókilderine qatysty QR Ákimshilik quqyq buzýshylyq týraly kodekstiń 442-baby 1-tarmaǵymen ákimshilik hattama toltyrylyp, aiyppul salyndy. Sondai-aq aldaǵy ýaqytta mundai kelesizdikterge jol bermeýge keńes berildi. Al oiyn klýbynyń ákimshisine qatysty qatysty QR Ákimshilik quqyq buzýshylyq týraly kodekstiń 132-babymen ákimshilik is qozǵaldy. Klýb ákimshisine 10 AEK kóleminde aiyppul salynýy múmkin.
Aita keterligi, jyl basynan beri qaladaǵy oiyn klýbtarynda túngi ýaqytta úlkenderdiń qaraýynsyz júrgen 100-den astam jasóspirim ustalǵan. Olardyń barlyǵy da ákimshilik jaýapkershilikke tartyldy.
