Foto: ǵalamtordan
20-dan astam adam kámeletke tolmaǵan balanyń alaiaqtyq shemasynan zardap shekti, - dep habarlaidy «Ult aqparat» Astana prokýratýrasyna silteme jasap.
Alaiaq bank qosymshasy arqyly elorda turǵyndaryna aqshalai kreditterdi resimdeý josparyn ázirlegen.
"Jábirlenýshilerdiń aqshalaryn treidingtik kompaniialarǵa investitsiialaitynyn aityp, nesieni ózi jabýǵa ýáde bergen.
Sonymen qatar, jábirlenýshilerdi qaryz somasynyń 22 paiyz, sondai-aq kelgen ár jańa klient úshin 10 paiyz túrindegi syiaqy úlesin alatyndaryn aityp aldaǵan. Osylaisha, kámeletke tolmaǵan 20 jábirlenýshiniń 11 million teńgeden asa aqshalai qarajatyn jymqyrǵan", - delingen habarlamada.
Sotta memlekettik aiyptaýshy sottalýshynyń kinásin dáleldep, onyń jábirlenýshiler úshin tabys tabý nieti bolmaǵanyn anyqtady.
"Barlyq aqshalai qarajatty óz qajettilikterine jumsaǵany sotta dáleldendi. Sot úkimi boiynsha, jábirlenýshilerge keltirilgen zalal tolyqtai óndirilip kináli tulǵa sottaldy. Jábirlenýshilerdiń azamattyq talaptary qanaǵattandyryldy".
Úkim zańdy kúshine endi.
