Foto: gov.kz
Qalalyq politseiler iri kólemde esirtkimen jasyryp ketip júrgen eki jigitti ustady, dep habarlaidy inbusiness.kz.
Prokýratýranyń úilestirýimen júzege asyrylyp jatqan 30 kúndik esirtki qylmysyna qarsy is-sharalar aiasynda kúdiktilerdiń áreketi jedel basqarý ortalyǵy operatorlary arqyly tirkelgen. Olar garaj mańyndaǵy butalardyń arasynan bir nárse izdep, keiin "Cobalt" kóligine otyryp ketpek bolǵan.
Patrýldik ekipaj dereý toqtatqan kólikten 22 jáne 23 jastaǵy eki jigit shyqty. Jeke tekseris kezinde biriniń qaltasynan 47 oram aq tústi untaq (mefedron) jáne bir oram marihýana tabyldy. Ol ózine jasyryp ketkendi izdep júrip, odan da iri esirtki partiiasyna taýyp alǵanyn moiyndady.
Atalǵan derek boiynsha sotqa deiingi tergeý bastaldy, kúdikti ýaqytsha ustaý izoliatoryna qamaýǵa alyndy.
Astanalyq politsiia esirtki saqtaý men qoldaný qylmystyq jaýapkershilikke ákeletinin eske salyp, profilaktikalyq sharalardyń jalǵasatynyn atap ótti.
Elordada júzege asyrylyp jatqan esirtkige qarsy ailyq siiaqty sharalar halyqtyń habardarlyǵyn arttyrýǵa, politsiia men qoǵam arasyndaǵy senimdi nyǵaitýǵa, sondai-aq esirtki qylmystaryna jáne qoǵamdyq qaýipsizdikke tónetin ózge de qaterlerge qarsy kúreste birlesken áreketti kúsheitýge mańyzdy ról atqarady.
"Zań jáne tártip" qaǵidaty aiasynda júzege asyrylyp jatqan sharalar kesheni birlesken reidterdi, oqý oryndaryndaǵy aldyn alý áńgimelerin, sondai-aq tyiym salynǵan zattardy taratatyn internet-resýrstardy anyqtaý jáne joiý jumystaryn qamtidy.
