kýágerler fotosy
Astanada qurylysy júrip jatqan turǵyn úi kesheni otqa orandy, - dep habarlaidy "Ult aqparat" jergilikti Tótenshe jaǵdailar departamentiniń baspasóz qyzmetine silteme jasap.
TJD málimetinshe, 11 mamyr saǵat 15:01 shamasynda órt sóndirý bólimshesine Aqmeshit - Syǵanaq kósheleriniń qiylysyndaǵy jańa ǵimarattan qara tútin shyǵyp jatqany týraly habarlama túsken.
"Oqiǵa ornyna jetkende salynyp jatqan turǵyn úi kesheniniń aýmaǵynda bitým jáne aldyn ala málimet boiynsha úidiń syrtqy qaptamasy janyp jatqany anyqtaldy. Tilsiz jaý órt sóndirýshilerdiń kúshimen 15:17-de aýyzdyqtaldy. Qurbandar men zardap shekkender joq", - delingen habarlamada.
Áleýmettik jeli qoldanýshylary "Evropa Siti" turǵyn úi kesheni órtengenin jazyp jatyr.
video: Arbat.Media
