Elordada sábilerge jii qoiylatyn esimder ataldy, - dep habarlaidy "Ult aqparat" Astana qalasy ákimdiginiń media ortalyǵyna silteme jasap.
Ákimdiktiń málimetinshe, osy jyldyń 10 aiynda Astanada 25 735 sábi dúniege kelgen. "Esil", "Saryarqa", "Almaty" aýdandary AHAT bólimderiniń statistikasyna sáikes osy jyldyń 10 aiynda Astana qalasynda 25 735 sábi dúnie esigin ashqan.
Qyz balalarǵa qoiylǵan eń tanymal esimder Sofiia, Amira, Káýsár, Eldana bolsa uldarǵa Álihan, Aisultan, Alan, Arlan esimderi jii qoiylǵan.
Sonymen qatar, elimizde ótip jatqan eleýli oqiǵalarǵa qatystyda balalarǵa esim qoiý dástúri jalǵasýda. Halyqaralyq EKSPO kórmesi kezinde "Esil" aýdanynyń AHAT bólimi Báidibekspo esimdi ul balany tirkegen.
