Foto: ashyq derekkóz
Astana qalasynyń Politsiia departamenti «Jańa Arqa» turǵyn úi keshenine salym jasaǵan azamattardyń shaǵymdary negizinde alaiaqtyq faktisi boiynsha sotqa deiingi tergeý júrgizip jatyr, dep habarlaidy Ult.kz.
Tergeý barysynda qurylys kompaniiasy tiisti ruqsatsyz jáne zań talaptaryn buza otyryp, turǵyn úi salý úshin azamattardan qarajat tartqany anyqtalǵan.
Prokýratýra málimetinshe, qurylys salýshynyń zańsyz áreketteriniń saldarynan 300-den astam otbasy zardap shegip, jalpy kólemi 4 milliard teńgeden asatyn materialdyq zalal kelgen.
Qazirgi ýaqytta kúdikti tulǵa ustalyp, sot sanktsiiasymen qamaýǵa alynǵan. Tergeý jalǵasýda, is boiynsha qajetti saraptamalar taǵaiyndalǵan.
Elorda prokýratýrasy azamattarǵa úlestik turǵyn úige aqsha salmas buryn qurylys kompaniiasynyń ruqsat qujattaryn muqiiat tekserýge keńes beredi. Bul óz quqyqtaryn qorǵaýǵa jáne alaiaqtyq jaǵdailardan saqtanýǵa múmkindik beredi.
