Foto: Pexels.com
Astanada zańsyz salynyp jatqan 37 kópqabatty turǵyn úi anyqtaldy. Bul týraly Bas prokýratýraǵa silteme jasaǵan Ult.kz habarlaidy.
Zańsyz qurylyspen ainalysqan jekelegen kompaniialar úleskerlerdiń aqshasyn zańsyz tartqan. Osy negizder boiynsha aǵymdaǵy jyly atalǵan zańbuzýshylyqtar úshin ÁQBtK-tiń 320-babymen 64 qurylys nysany boiynsha 51 qurylys salýshy ákimshilik jaýapkershilikke tartylǵan.
Vedomstvo málimetinshe, 12 qurylys salýshyǵa qatysty qylmystyq ister tergelip jatyr.
Astana qalasynyń prokýratýrasy turǵyn úi qurylysyna úlestik qatysý mynadai tásilderdiń birimen uiymdastyrylatynyn eske salǵan:
- 1) Turǵyn úi qurylysynyń biryńǵai operatorynyń (Qazaqstan turǵyn úi kompaniiasy) kepildigin alý;
- 2) ekinshi deńgeidegi banktiń jobasyna qatysý;
- 3) ǵimarattyń qańqasy salynǵannan keiin úleskerlerdiń aqshasyn tartý.
"Azamattardyń qarajatyn basqa tásildermen tartýǵa tyiym salynady (aldyn ala brondaý sharty, brondaý, investitsiialaý, talap etý quqyǵyn basqaǵa berý). Jańa soǵylyp jatqan úiden páter satyp almas buryn, qurylys salýshynyń senimdiligin tekserińiz. Eger Ciz josyqsyz ázirleýshige tap bolsańyz 71-24-87 nómirine qońyraý shalyńyz", - dep eskertedi prokýrorlar.
