Roza Baǵlanova atyndaǵy «Qazaqkontsert» memlekettik akademiialyq kontserttik uiymynyń Qazaq memlekettik simfoniialyq orkestri kórermen nazaryna «Vivaldi&Haydn» shyǵarmashylyǵyna arnalǵan klassikalyq mýzyka keshin usyndy.
Kontserttik baǵdarlamada álemdik klassikanyń jaýhary - Antonio Vivaldidiń áigili «Jyl mezgilderi», sondai-aq, avstriia kompozitory Iozef Gaidnnyń skripka men fortepianoǵa arnalǵan mýzykalyq týyndysy oryndaldy.
Is-sharaǵa Qazaqstannyń eńbek sińirgen qairatkerleri Baqytjan Musahadjaeva, Asqar Dúisenbaev, Asqar Muqanov, «Daryn» memlekettik jastar syilyǵynyń laýreaty Aqbike Alǵi, halyqaralyq baiqaýlardyń laýreattary Aigerim Erǵalieva, Jibek Mýsýrgalieva, Amina Ahmetjanova, sondai-aq, italiialyq pianist Antonello D’Onofrio qatysty.
Antonello D’Onofrio - álemdik sahnalardy baǵyndyrǵan italiialyq pianist, Dj. Verdi atyndaǵy Milan konservatoriiasynyń túlegi. Jiyrma jyldan astam ýaqyt boiy Eýropa, Amerika jáne Aziianyń áigili kontsert zaldarynda óner kórsetip júrgen mýzykant tyńdarmandy tereń interpretatsiiasymen, stildik dáldigimen jáne joǵary deńgeidegi virtýozdyq sheberligimen tánti etip keledi.
Mýzykalyq keshte tanymal klassika men názik oryndaýshylyq interpretatsiia keremet úilesim tapty. Belgili shyǵarmalar orkestr men solisterdiń oryndaýynda shyrqalyp, mýzykalyq forma men intonatsiianyń bailyǵyn sezinýge múmkindik berdi.
