Astanada VIII Azamattyq forým bastaldy. Elbasynyń qatysýymen ótetin aýqymdy shara eki kúnge sozylady, dep habarlaidy QazAqparat tilshisi.
«Bul forýmnyń mańyzy bólek. Biz osynda elimiz qandai baǵyt-baǵdarda kele jatyr sol máselelerdi talqylaýǵa jinaldyq. Men osy forýmdy uiymdastyrýshylar - Azamattyq alians basshylyǵyna alǵys aitqym keledi. Álbette, azamattyq forým jylyna eki márte ótkizilgenimen, bul jolǵy sharanyń ereksheligi Memleket basshysynyń qatysýy. Ekinshiden, osy jiynda endigi ýaqytta qalai ómir súremiz degen suraqqa jaýap izdeimiz. Azamattyq qoǵamnyń jáne úkimettik emes sektordyń damýy da osynda talqylanady. Biz belgili bir normativti quqyqtyq qujatty qabyldamas buryn nemese belgili bir saiasi sheshimge kelmes buryn sizderdiń (ÚEU múshelerine) pikirlerińizdi bilsek dep edik», - dedi forýmnyń ashylýynda Qoǵamdyq damý ministri Darhan Káletaev.
Aita keterligi, qarashanyń 27-28 kúnderi ótetin VIII Azamattyq forýmdy ótkizý arqyly úkimettik emes uiymdar, memlekettik organdar, biznes-sektorlardyń ókilderi kún tártibindegi ózekti máselelerdi sheshýde ortaq tásilderdi qurýdy kózdep otyr. Qoǵamdyq damý vitse-ministri Sergei Konovalovtyń aitýynsha, VIII Azamattyq forýmnyń kún tártibindegi negizgi máselesi - azamattyq qoǵamdy damytýdyń 2020-2025 jyldarǵa arnalǵan Tujyrymdama jobasyn talqylaý. Forým jumysyna 850 adam qatysady. Shara barysynda áleýmettik (QR BǴM, DSM, Eńbek jáne halyqty áleýmettik qorǵaý ministrligi) jáne ekonomikalyq salaǵa jaýapty ministrlermen (QM, UEM, AShM), quqyq qorǵaý organdarynyń ókilderimen qoǵamnyń ózekti máseleleri talqylanady.
.jpeg)