© AP Photo / Jean-Francois Badias
Astana qalasynda qamaýǵa alynǵan adamdardy azaptaý isi boiynsha Ulttyq qaýipsizdik komitetiniń eki qyzmetkeri ustaldy, dep habarlaidy Sputnik Qazaqstan elorda sotyna silteme jasap.
Búgin mamandandyrylǵan aýdanaralyq tergeý sotynyń sanktsiiasymen podpolkovnik Erkin Amanov pen maior Hamit Abdýǵali, sondai-aq shekara qyzmetiniń ókili Qairat Sartai eki aiǵa qamaýǵa alyndy.
"Sotqa deiingi tergeýdiń basqa málimetteri Qylmystyq-protsessýaldyq kodekstiń 201-baby boiynsha jariialanbaidy", - delingen resmi habarlamada.
Aita keteri, buǵan deiin Astanadaǵy tergeý izoliatorynda otyrǵan adamdardyń azaptalǵany týraly týystary málimdedi. 2021 jyly Semeide altyn keninde urlyq jasaǵany úshin birneshe adam ustalǵan bolatyn.
Týystarynyń aitýynsha, UQK qyzmetkerleri kúdiktilerdi azaptap, kinásin moiyndaýǵa májbúrlegen. Byltyr naýryz aiynda osy másele boiynsha qylmystyq is qozǵaldy. Biraq tergeý uzaqqa sozylyp ketti. Azaptalǵan adamdardyń týystary bas prokýratýranyń aldynda narazylyq sharasyn da ótkizgen.
