© AP Photo / Jean-Francois Badias
استانا قالاسىندا قاماۋعا الىنعان ادامداردى ازاپتاۋ ٸسٸ بويىنشا ۇلتتىق قاۋٸپسٸزدٸك كوميتەتٸنٸڭ ەكٸ قىزمەتكەرٸ ۇستالدى, دەپ حابارلايدى Sputnik قازاقستان ەلوردا سوتىنا سٸلتەمە جاساپ.
بٷگٸن مامانداندىرىلعان اۋدانارالىق تەرگەۋ سوتىنىڭ سانكتسيياسىمەن پودپولكوۆنيك ەركٸن امانوۆ پەن مايور حاميت ابدۋعالي, سونداي-اق شەكارا قىزمەتٸنٸڭ ٶكٸلٸ قايرات سارتاي ەكٸ ايعا قاماۋعا الىندى.
"سوتقا دەيٸنگٸ تەرگەۋدٸڭ باسقا مەلٸمەتتەرٸ قىلمىستىق-پروتسەسسۋالدىق كودەكستٸڭ 201-بابى بويىنشا جارييالانبايدى", - دەلٸنگەن رەسمي حابارلامادا.
ايتا كەتەرٸ, بۇعان دەيٸن استاناداعى تەرگەۋ يزولياتورىندا وتىرعان ادامداردىڭ ازاپتالعانى تۋرالى تۋىستارى مەلٸمدەدٸ. 2021 جىلى سەمەيدە التىن كەنٸندە ۇرلىق جاساعانى ٷشٸن بٸرنەشە ادام ۇستالعان بولاتىن.
تۋىستارىنىڭ ايتۋىنشا, ۇقك قىزمەتكەرلەرٸ كٷدٸكتٸلەردٸ ازاپتاپ, كٸنەسٸن مويىنداۋعا مەجبٷرلەگەن. بىلتىر ناۋرىز ايىندا وسى مەسەلە بويىنشا قىلمىستىق ٸس قوزعالدى. بٸراق تەرگەۋ ۇزاققا سوزىلىپ كەتتٸ. ازاپتالعان ادامداردىڭ تۋىستارى باس پروكۋراتۋرانىڭ الدىندا نارازىلىق شاراسىن دا ٶتكٸزگەن.
