Astanada túngi ýaqytta pirotehnikalyq buiym qoldanyp, turǵyndardyń tynyshtyǵyn buzǵan 25 jastaǵy er adam ákimshilik qamaýǵa alyndy, dep habarlaidy ult.kz.
Oqiǵa elordadaǵy meiramhanalardyń biriniń mańynda bolǵan. Politsiianyń málimetinshe, er adam dosynyń úilený toiynan keiin meiramhanaǵa qarama-qarsy jerde otshashý atqan.
Pirotehnikalyq buiymnyń daýysy jaqyn mańdaǵy turǵyn úi keshenderinde turatyn azamattardyń tynyshtyǵyn buzǵan.
Quqyq buzýshy sot sheshimimen 5 táýlikke ákimshilik qamaýǵa alyndy.
Politsiia túngi ýaqytta pirotehnikalyq buiymdardy paidalanýǵa jol bermeý baǵytyndaǵy jumystar jalǵasyp jatqanyn habarlady.
