Astanada tórtinshi qabattan qulaǵaly turǵan balany qutqarǵan jasóspirimdi qala ákimi Jeńis Qasymbek marapattady.
Astana ákimi 7-synyp oqýshysy Aqan Ákimjanov pen onyń ata-anasymen kezdesti.
"Aqan men onyń ata-anasymen kezdestim. Ol óziniń jyldamdyǵymen jáne batyldyǵymen qaiǵyly jaǵdaidyń aldyn aldy. Aqannyń ata-anasyna erjúrek ul ósirip, laiyq tárbie bergeni úshin alǵysymdy bildiremin! Aqan sol siiaqty oqýda da, sportta da jetistikterge jetip júr. Muǵalimderi men synyptastary ol týraly adal dos, sanaly jáne jaýapkershiligi mol oqýshy degen pikirde", – dedi Jeńis Qasymbek.
Jasóspirimge erligi úshin planshet pen bir million teńge syiǵa berildi. Sondai-aq bolashaqta kolledjge nemese ýniversitetke túsý kezinde kómek kórsetiledi dep ýáde etti.
Eske salsaq, Astanada 7-synyp oqýshysy tórtinshi qabattan qulaǵaly turǵan balany qutqaryp qalǵan edi.
