Foto: Aqorda
Astanada Toqaevtyń basshylyǵymen keńeitilgen úkimet otyrysy bastaldy, dep habarlaidy Ult.kz.
«Búgin biz Úkimettiń keńeitilgen otyrysynda óte ózekti máselelerge toqtalamyz. Sebep – bárimizge belgili. Qazir dúnie júzi túbegeili ózgeriske ushyrap jatyr. Jahandyq úderister, eń aldymen, elimizdiń ekonomikalyq ahýalyna áserin tigizetini anyq.
Jappai tsifrlandyrý dáýiri, iaǵni jańa tehnologiialyq kezeń bastaldy. Kúlli álem múldem basqa jaǵdaida ómir súredi. Biz soǵan mindetti túrde daiyn bolýymyz kerek. Jańa tehnologiialyq ahýalǵa saqadai sai turýymyz qajet. Bul – elimizdiń básekege qabiletin arttyryp, turaqty damýyna jol ashatyn asa mańyzdy faktor.
Úkimet pen ákimderdiń jumysy qanshalyqty tiimdi ekenin aldymen ekonomikanyń damý kórsetkishteri men azamattardyń turmys sapasyna qarai baǵalaimyz. Osy jumystyń nátijesi byltyr qandai boldy? Negizgi mindetter oryndaldy ma? Búgin osy suraqtarǵa toqtalamyz jáne jaqyn arada sheshimin tabýǵa tiis ózekti máselelerdi talqylaimyz», -deidi mamleket basshysy Qasym-Jomart Toqaev.
