Sheteldikti áýejaidan qalaǵa jetkizgeni úshin odan 40 myń teńgesin qaǵyp alǵan taksi júrgizýshisi aqshany qaitardy, - dep habarlaidy kaz.tengrinews.kz tilshisi Astana IID baspasóz qyzmetine silteme jasap.
Astana IID baspasóz qyzmetindegiler Vengriianyń 40 jastaǵy azamatyn áýejaidan qalaǵa jetkizip, 40 myń teńge alyp ketken astanalyq taksi júrgizýshisi keltirilgen zalal mólsherin tolyǵymen ótegenin habarlady.
"Sheteldik azamat qonaqúige kelgen kezde resepshnnen taksi quny qansha turatynyn suraǵan, sol jerde ol taksige kóp aqsha berip qoiǵanyn túsingen. Osydan keiin ol politsiiaǵa baryp shaǵymdanǵan", - dedi Astana IID baspasóz qyzmetindegiler.
Eske salaiyq, Vengriia azamatyn áýejaidan qalaǵa jetkizgen astanalyq taksi júrgizýshisi aldap ketken edi. 6 maýsymda 14.00-de politsiiaǵa Vengriia azamaty shaǵym túsirgen, ol belgisiz taksi júrgizýshisiniń alaiaqtyq jolmen 40 000 teńge iemdenip ketkenin aitqan. "Jedel-izdestirý sharalary barysynda "Saryarqa" IIB politseileri 33 jastaǵy júrgizýshini ustaǵan, ol shetel azamatyn aldap, áýejaidan Jeltoqsan kóshesinde ornalasqan qonaqúige jetkizgeni úshin kóp mólsherde aqy alǵan", - deidi elordalyq IID ókilderi.
Taksi júrgizýshisi akkreditatsiiadan ótken, jeke adam tasýǵa quqyǵy bar ekeni anyqtaldy. Osy derek "Alaiaqtyq" baby boiynsha sotqa deiingi tergeýdiń biryńǵai reestrine tirkelgen.
