شەتەلدٸكتٸ ەۋەجايدان قالاعا جەتكٸزگەنٸ ٷشٸن ودان 40 مىڭ تەڭگەسٸن قاعىپ العان تاكسي جٷرگٸزۋشٸسٸ اقشانى قايتاردى, - دەپ حابارلايدى kaz.tengrinews.kz تٸلشٸسٸ استانا ٸٸد باسپاسٶز قىزمەتٸنە سٸلتەمە جاساپ.
استانا ٸٸد باسپاسٶز قىزمەتٸندەگٸلەر ۆەنگرييانىڭ 40 جاستاعى ازاماتىن ەۋەجايدان قالاعا جەتكٸزٸپ, 40 مىڭ تەڭگە الىپ كەتكەن استانالىق تاكسي جٷرگٸزۋشٸسٸ كەلتٸرٸلگەن زالال مٶلشەرٸن تولىعىمەن ٶتەگەنٸن حابارلادى.
"شەتەلدٸك ازامات قوناقٷيگە كەلگەن كەزدە رەسەپشننەن تاكسي قۇنى قانشا تۇراتىنىن سۇراعان, سول جەردە ول تاكسيگە كٶپ اقشا بەرٸپ قويعانىن تٷسٸنگەن. وسىدان كەيٸن ول پوليتسيياعا بارىپ شاعىمدانعان", - دەدٸ استانا ٸٸد باسپاسٶز قىزمەتٸندەگٸلەر.
ەسكە سالايىق, ۆەنگرييا ازاماتىن ەۋەجايدان قالاعا جەتكٸزگەن استانالىق تاكسي جٷرگٸزۋشٸسٸ الداپ كەتكەن ەدٸ. 6 ماۋسىمدا 14.00-دە پوليتسيياعا ۆەنگرييا ازاماتى شاعىم تٷسٸرگەن, ول بەلگٸسٸز تاكسي جٷرگٸزۋشٸسٸنٸڭ الاياقتىق جولمەن 40 000 تەڭگە يەمدەنٸپ كەتكەنٸن ايتقان. "جەدەل-ٸزدەستٸرۋ شارالارى بارىسىندا "سارىارقا" ٸٸب پوليتسەيلەرٸ 33 جاستاعى جٷرگٸزۋشٸنٸ ۇستاعان, ول شەتەل ازاماتىن الداپ, ەۋەجايدان جەلتوقسان كٶشەسٸندە ورنالاسقان قوناقٷيگە جەتكٸزگەنٸ ٷشٸن كٶپ مٶلشەردە اقى العان", - دەيدٸ ەلوردالىق ٸٸد ٶكٸلدەرٸ.
تاكسي جٷرگٸزۋشٸسٸ اككرەديتاتسييادان ٶتكەن, جەكە ادام تاسۋعا قۇقىعى بار ەكەنٸ انىقتالدى. وسى دەرەك "الاياقتىق" بابى بويىنشا سوتقا دەيٸنگٸ تەرگەۋدٸڭ بٸرىڭعاي رەەسترٸنە تٸركەلگەن.
