Bas qalada soǵym maýsymynda siyr etiniń baǵasy 1 350 teńgeden aspaidy, - dep habarlaidy elorda ákimdiginiń media ortalyǵy Astana qalasynyń Aýylsharýashylyq basqarmasyna silteme jasap.
Astanada et baǵasyn turaqtandyrý maqsatynda iri taýar óndirýshilerimen kommýnaldyq bazarǵa siyr etin bekitilgen baǵamen tikelei jetkizý boiynsha kelisim-sharttar jasaldy.
"Atalǵan kelisim-sharttar sheńberinde siyr etiniń aldyńǵy jaýyryn bóligin satyp alý baǵasyn (1300 teńge/keli) jáne bólshek satý baǵasyn (1350 teńge/keli) belgileýge múmkindik berdi. Sonymen birge Aqmola oblysynyń Tselinograd aýdany óndirýshileriniń qatysýymen aýylsharýashylyq jármeńkesi uiymdastyryldy. Onda siyr etiniń baǵasy 1300tg/kg somasynda bekitilgen", - delingen Aýylsharýashylyq basqarmasy taratqan aqparattyq habarlamada.
Aita keteiik, elordada azyq-túlik baǵasyn turaqtandyrýǵa, onyń ishinde et baǵasyn retteýge qalada apta saiyn ótkizilip jatqan aýylsharýashylyq jármeńkeleri septigin tigizip jatyr.
Aǵymdaǵy jyldyń naýryz aiynan búginge deiin Astanada 64 aimaqtyq aýylsharýashylyq jármeńkesi ótkizilip, onda 27 440 myń tonna ónim satyldy. Qala ákimdigi atalǵan jármeńkeni qarasha aiynyń sońyna deiin ótkizýdi kózdep otyr.
