باس قالادا سوعىم ماۋسىمىندا سيىر ەتٸنٸڭ باعاسى 1 350 تەڭگەدەن اسپايدى, - دەپ حابارلايدى ەلوردا ەكٸمدٸگٸنٸڭ مەديا ورتالىعى استانا قالاسىنىڭ اۋىلشارۋاشىلىق باسقارماسىنا سٸلتەمە جاساپ.
استانادا ەت باعاسىن تۇراقتاندىرۋ ماقساتىندا ٸرٸ تاۋار ٶندٸرۋشٸلەرٸمەن كوممۋنالدىق بازارعا سيىر ەتٸن بەكٸتٸلگەن باعامەن تٸكەلەي جەتكٸزۋ بويىنشا كەلٸسٸم-شارتتار جاسالدى.
"اتالعان كەلٸسٸم-شارتتار شەڭبەرٸندە سيىر ەتٸنٸڭ الدىڭعى جاۋىرىن بٶلٸگٸن ساتىپ الۋ باعاسىن (1300 تەڭگە/كەلٸ) جەنە بٶلشەك ساتۋ باعاسىن (1350 تەڭگە/كەلٸ) بەلگٸلەۋگە مٷمكٸندٸك بەردٸ. سونىمەن بٸرگە اقمولا وبلىسىنىڭ تسەلينوگراد اۋدانى ٶندٸرۋشٸلەرٸنٸڭ قاتىسۋىمەن اۋىلشارۋاشىلىق جەرمەڭكەسٸ ۇيىمداستىرىلدى. وندا سيىر ەتٸنٸڭ باعاسى 1300تگ/كگ سوماسىندا بەكٸتٸلگەن", - دەلٸنگەن اۋىلشارۋاشىلىق باسقارماسى تاراتقان اقپاراتتىق حابارلامادا.
ايتا كەتەيٸك, ەلوردادا ازىق-تٷلٸك باعاسىن تۇراقتاندىرۋعا, ونىڭ ٸشٸندە ەت باعاسىن رەتتەۋگە قالادا اپتا سايىن ٶتكٸزٸلٸپ جاتقان اۋىلشارۋاشىلىق جەرمەڭكەلەرٸ سەپتٸگٸن تيگٸزٸپ جاتىر.
اعىمداعى جىلدىڭ ناۋرىز ايىنان بٷگٸنگە دەيٸن استانادا 64 ايماقتىق اۋىلشارۋاشىلىق جەرمەڭكەسٸ ٶتكٸزٸلٸپ, وندا 27 440 مىڭ توننا ٶنٸم ساتىلدى. قالا ەكٸمدٸگٸ اتالعان جەرمەڭكەنٸ قاراشا ايىنىڭ سوڭىنا دەيٸن ٶتكٸزۋدٸ كٶزدەپ وتىر.
