Siriianyń shamamen on oppozitsiialyq tobynyń ókili Damask tarapynan ereje buzýshylyqtar bolǵandyqtan, Astanada kelissózderdi ótkizýdi toqtata turatyndaryn málimdedi, - dep habarlaidy Agence France-Presse.
"Damask tarapynan bul buzýshylyqtardyń jalǵasyp jatýyna bailanysty oppozitsiialyq toptyń ókilderi Astanada ótetin kelissózderge qatysty barlyq máseleni talqylaýdy toqtatatyndaryn málimdedi", - delingen oppozitsiialyq toptyń úndeýinde.
Eske sala keteiik, osyǵan deiin Nazarbaev Pýtinmen Siriiadaǵy jaǵdaidy retteýge qatysty kelissózderdi talqylaǵan bolatyn. "Astanada Siriiadaǵy qaqtyǵysty beibit retteýge arnalǵan kelissózderdi ótkizýge qatysty máseleler, sondai-aq, Eýraziia ekonomikalyq odaǵy men Ujymdyq qaýipsizdik týraly shart uiymynyń Sankt-Peterbýrgte ótkizgen sammitteriniń qorytyndysy talqylandy", - delingen Kremldiń baspasóz qyzmetinde.
Sondai-aq, Resei men Túrkiia kóshbasshylary Siriiadaǵy qaqtyǵysýshy taraptar arasyndaǵy ahýaldy beibit retteýge arnalǵan kelissózderdi Astanada ótkizýge múddeli ekendikterin bildirgen bolatyn. Nursultan Nazarbaev bul bastamany qoldap, Qazaqstan elordasynda mundai kelissózder júrgizý úshin qajetti jaǵdai jasaýǵa daiyn ekenin málimdedi.
