Astanada Siriia daǵdarysyn retteý boiynsha ótip jatqan beibit kelissóz aiaqtaldy.
Kelissózdiń qorytyndy málimdemesin oqyǵan Qazaqstan syrtqy ister ministri Qairat Ábdirahmanov "atysty toqtatyp, arandatý boldyrmaýdy baqylaityn úsh jaqty mehanizm jasaý týraly kelisim jasalǵanyn" aitty.
Qairat Ábdirahmanovtyń sózinshe, "kepil elder" "Islam memleketi" jáne "Ál-Nýsra" uiymdarymen soǵysty kúsheitýge, olarǵa basqa qarýly oppozitsiiadan bólekshe qaraýǵa nietti ekeninderin" rastaǵan.
Eske sala keteiik, keshe, 23 qańtarda Astanada Siriiadaǵy jaǵdaidy retteýge qatysty kelissózder bastalǵan bolatyn. Kelissózder elordadaǵy Rixos President Astana meimanhanasynda jabyq tártipte ótip jatyr.
Sondai-aq, keshe Memleket basshysy BUU Bas hatshysynyń Siriia boiynsha arnaýly elshisi Staffan de Mistýramen kezdesken bolatyn. Nursultan Nazarbaev Siriia máselesi búginde Taiaý Shyǵysty ǵana emes, búkil álemdik qaýymdastyqty alańdatyp otyrǵanyn atap ótken edi.
Ult portaly
