Foto: QR MAM
2025 jyldyń 20 sáýirinde «Qazaqkontsert» memlekettik akademiialyq kontserttik uiymynda I Respýblikalyq «Serper» ulttyq óner baiqaýynyń jeńimpazdary anyqtaldy. Is-shara QR Mádeniet jáne aqparat ministrliginiń qoldaýymen ótti, dep habarlaidy Ult.kz.
Óner dodasyna 6 nominatsiia boiynsha elimizdiń túkpir-túkpirinen 70-ten astam úmitkerden ótinim qabyldandy.
Baiqaýdyń birinshi kezeńi onlain formatta uiymdastyrylyp, qatysýshylardyń beinematerialdary iriktelip, 42 qatysýshy ekinshi kezeńge joldama aldy.
Úmitkerler qazylar alqasynyń aldynda óner kórsetip, óz sheberlikterin pash etti. Qazylar sheshimimen ár nominatsiia boiynsha júzden júirik shyqqan jastar Gala-kontsert aiasynda marapattaldy.
Qazylar alqasynyń sheshimi boiynsha jeńimpazdar men júldegerler:
«Dombyra» nominatsiiasy boiynsha 1 oryndy Aisholpan Qasymova jeńip alsa, 2 oryndy Aqbóken Temir, al 3 oryndy Meiirbek Ázimbaev ielendi. Oryndaýshylyq sheberligi úshin Nurǵisa Tilendiev atyndaǵy arnaiy diplom Nurdáýlet Saǵatbekke tabystaldy.
«Qobyz» nominatsiiasy boiynsha 1 oryndy Aigerim Ahmetjanova, 2 oryndy Anarbek Myrzabai, 3 oryndy Jalǵas Nurashev jeńip aldy.
«Sybyzǵy» nominatsiiasynda 1 oryndy Aslan Gýmarov ielense, 2 oryn Asqat Saǵatqa, 3 oryn Erlan Sadýǵa berildi.
«Sherter» nominatsiiasy boiynsha Ýali Muratqazin – 1 oryn, Erik Shamshiden 2 oryn, Turar Jarylhapov 3 oryndy ielendi.
Sonymen qatar halyq kúilerin sheber oryndaǵany úshin Jarqyn Shákárim atyndaǵy arnaiy diplomdy Aron Jubanǵaliev jeńip aldy.
«Jetigen» nominatsiiasy boiynsha 1 oryndy Áigerim Karamenova, 2 oryndy Danagúl Ginaiatova, 3 oryndy Akjúnis Myrzageldina jeńip aldy.
Al halyq ánderin jetigen aspabyna sheber óńdegeni úshin Bolat Sarybaev atyndaǵy arnaiy diplom Nazerke Temirbekovaǵa tabystaldy.
«Prima qobyz» nominatsiiasynda Ajar Hýan – 1 oryn, Gúldara Nariman – 2 oryn, Alina Aýeshan – 3 ielendi. Merýert Kálenbaeva atyndaǵy arnaiy diplom Nurailym Ábdige tabystaldy.
