Qalalyq tekserý komissiiasy Astana qalasynda jumsalǵan biýdjet qarajatyndaǵy jetispeýshilikti anyqtady, dep habarlaidy Elorda.info.
Jumsalǵan biýdjet qarajatynyń jetispeýshiligi jaily qalalyq máslihattyń turaqty komissiiasy otyrysynda málimdeme jasaldy.
Qalalyq tekserý komissiiasynyń tóraǵasy Ǵalymjan Moldashtyń málimdeýinshe, 2012-2014 jyldary jergilikti biýdjetten 260,1 mln teńge bólinip, «Bolashaq mektebi - búginnen» tirkeýdiń keshendi júiesi» jobasy júzege asyrylǵan. Osy joba aiasynda elorda mektepteriniń oqýshylary elektrondyq kýáliktermen qamtamasyz etilýi tiis bolǵan.
Alaida, tekseris nátijesi júieniń qala mektepteri ishinde on bilim oshaǵynyń birinde ǵana tolyqqandy ornatylǵandyǵyn anyqtap otyr.
«2015 jyly «Astana Innovations» AQ tehnikalyq sipattamasy «Bolashaq mektebi - búginnen» júiesiniń tehnikalyq sipattamasyna sai keletin «Smart mektep» jobasyn shyǵardy. Tutas alǵanda, iske qosylmaǵan jobalarǵa 648 mln teńge jumsaldy», - dedi komissiia tóraǵasy Ǵalymjan Moldash.
Qalalyq tekserý komissiiasy aiyptaǵan uiymdar qatarynda «Astana Innovations» AQ, «Astana LRT» JShS, «Elorda damý» JShS syndy memlekettik syńaily uiymdardyń da aty ataldy.
