Foto: inbusiness.kz
Astanada salynyp jatqan turǵyn úi keshenderiniń birinde ónerkásiptik alpinist biiktikten qulap, aýrýhanaǵa jetkizildi. Oqiǵa 9 aqpan kúni Buqar jyraý kóshesinde bolǵanyn qalalyq politsiia departamenti habarlady.
Vedomstvo málimetinshe, zardap shekken azamat — 1997 jyly týǵan er adam. Qazirgi ýaqytta onyń jaǵdaiy dárigerlerdiń baqylaýynda, oqiǵanyń mán-jaiy anyqtalyp jatyr.
BI qurylys kompaniiasynyń baspasóz qyzmetiniń habarlaýynsha, jazataiym oqiǵa shamamen saǵat 16:00-de terezelerdi ónerkásiptik alpinizm ádisimen jýý kezinde bolǵan. Aldyn ala derekterge sáikes, jumysshy 9-qabat deńgeiinde tepe-teńdigin joǵaltyp, qulap ketken. Sondai-aq túsýge daiyndyq sátinde saqtandyrý júiesi bekitilmegen bolýy múmkin.
Jedel járdem brigadasy oqiǵa ornyna 10 minýt ishinde jetken. «Zardap shekken adamǵa operatsiia jasaldy, ol esin jidy. Qazir eńbek inspektsiiasynyń qatysýymen tekserý júrgizilip jatyr», — dep málimdedi kompaniia ókilderi.
Aita keteiik, ótken jyly Astanada qurylys nysandarynda birneshe tótenshe jaǵdai tirkelgen. Shilde aiynda qurylys alańdarynyń birinde kran qulap, kran mashinisi qaza tapqan. Al kúzde qatty jeldiń saldarynan «Rio-de-Janeiro» turǵyn úi kesheniniń qurylysynda munaraly kran qulaǵan, bul oqiǵada zardap shekkender bolmaǵan.
Sonymen qatar, atalǵan oqiǵadan birneshe kún ótken soń turǵyn úi keshenderiniń biriniń qurylysshysy narazylyq bildirý maqsatynda munaraly kranǵa kóterilgen.
Qarasha aiynda Attila turǵyn úi kesheniniń qurylysynda úsh jumysshy besinshi qabattyń biiktiginen qulap, aýyr jaraqat alǵan.
