فوتو: inbusiness.kz
استانادا سالىنىپ جاتقان تۇرعىن ٷي كەشەندەرٸنٸڭ بٸرٸندە ٶنەركەسٸپتٸك الپينيست بيٸكتٸكتەن قۇلاپ, اۋرۋحاناعا جەتكٸزٸلدٸ. وقيعا 9 اقپان كٷنٸ بۇقار جىراۋ كٶشەسٸندە بولعانىن قالالىق پوليتسييا دەپارتامەنتٸ حابارلادى.
ۆەدومستۆو مەلٸمەتٸنشە, زارداپ شەككەن ازامات — 1997 جىلى تۋعان ەر ادام. قازٸرگٸ ۋاقىتتا ونىڭ جاعدايى دەرٸگەرلەردٸڭ باقىلاۋىندا, وقيعانىڭ مەن-جايى انىقتالىپ جاتىر.
BI قۇرىلىس كومپانيياسىنىڭ باسپاسٶز قىزمەتٸنٸڭ حابارلاۋىنشا, جازاتايىم وقيعا شامامەن ساعات 16:00-دە تەرەزەلەردٸ ٶنەركەسٸپتٸك الپينيزم ەدٸسٸمەن جۋۋ كەزٸندە بولعان. الدىن الا دەرەكتەرگە سەيكەس, جۇمىسشى 9-قابات دەڭگەيٸندە تەپە-تەڭدٸگٸن جوعالتىپ, قۇلاپ كەتكەن. سونداي-اق تٷسۋگە دايىندىق سەتٸندە ساقتاندىرۋ جٷيەسٸ بەكٸتٸلمەگەن بولۋى مٷمكٸن.
جەدەل جەردەم بريگاداسى وقيعا ورنىنا 10 مينۋت ٸشٸندە جەتكەن. «زارداپ شەككەن ادامعا وپەراتسييا جاسالدى, ول ەسٸن جيدى. قازٸر ەڭبەك ينسپەكتسيياسىنىڭ قاتىسۋىمەن تەكسەرۋ جٷرگٸزٸلٸپ جاتىر», — دەپ مەلٸمدەدٸ كومپانييا ٶكٸلدەرٸ.
ايتا كەتەيٸك, ٶتكەن جىلى استانادا قۇرىلىس نىساندارىندا بٸرنەشە تٶتەنشە جاعداي تٸركەلگەن. شٸلدە ايىندا قۇرىلىس الاڭدارىنىڭ بٸرٸندە كران قۇلاپ, كران ماشينيسٸ قازا تاپقان. ال كٷزدە قاتتى جەلدٸڭ سالدارىنان «ريو-دە-جانەيرو» تۇرعىن ٷي كەشەنٸنٸڭ قۇرىلىسىندا مۇنارالى كران قۇلاعان, بۇل وقيعادا زارداپ شەككەندەر بولماعان.
سونىمەن قاتار, اتالعان وقيعادان بٸرنەشە كٷن ٶتكەن سوڭ تۇرعىن ٷي كەشەندەرٸنٸڭ بٸرٸنٸڭ قۇرىلىسشىسى نارازىلىق بٸلدٸرۋ ماقساتىندا مۇنارالى كرانعا كٶتەرٸلگەن.
قاراشا ايىندا Attila تۇرعىن ٷي كەشەنٸنٸڭ قۇرىلىسىندا ٷش جۇمىسشى بەسٸنشٸ قاباتتىڭ بيٸكتٸگٸنەن قۇلاپ, اۋىر جاراقات العان.
