Astanada salonyna sý kirip ketken avtobýstyń júrgizýshisi jumystan shettetildi. Bul týraly OKQ-da ótken baspasóz máslihatynan keiin tilshilerdiń suraǵyna jaýap bergen Astana qalasy ákiminiń orynbasary Qosman Aitmuhambetov málim etti, dep habarlaidy QazAqparat tilshisi.
«Oǵan (júrgizýshige -avt.) ol jaqqa barmaý kerektigi eskertilgen. Onyń ústine ol jaǵdaidy jaqsy bilgen. Adamdarmen kele jatqanyn eskerýi kerek edi. Biz kósheni jaýyp tastap, patrýldik kólikti, qorshaýdy qoidyq. Almaty aýdany ákimdiginiń qyzmetkerleri oǵan keri burylýdy suraǵan edi. Biraq, ol tyńdamai ary qarai júre bergen. Ol ainalyp ótýi kerek edi. Momyshuly kóshesine ol Toqpanovty ainalyp óte alar edi. Onyń endigi jumysta qalý-qalmaýyn «Astana LRT» basshylyǵy sheshedi. Ol jerde basqa júrgizýshiler ainalyp ótken. Al atalmysh avtobýstyń júrgizýshisi olai etpegen», - dedi Qosman Aitmuhambetov.
Eske sala ketsek, buǵan deiin áleýmettik jelide Astana kóshesimen júrip kele jatqan avtobýstyń salonyn tolyǵymen sý alyp ketkeni jóninde video taraǵan edi. Keiin «Astana LRT» kompaniiasy elordada nóser kezinde salonyna sý kirip ketken avtobýstyń videosyna qatysty túsinik bergen bolatyn.
