استانادا سالونىنا سۋ كٸرٸپ كەتكەن اۆتوبۋستىڭ جٷرگٸزۋشٸسٸ جۇمىستان شەتتەتٸلدٸ. بۇل تۋرالى وكق-دا ٶتكەن باسپاسٶز مەسليحاتىنان كەيٸن تٸلشٸلەردٸڭ سۇراعىنا جاۋاپ بەرگەن استانا قالاسى ەكٸمٸنٸڭ ورىنباسارى قوسمان ايتمۇحامبەتوۆ مەلٸم ەتتٸ, دەپ حابارلايدى قازاقپارات تٸلشٸسٸ.
«وعان (جٷرگٸزۋشٸگە -اۆت.) ول جاققا بارماۋ كەرەكتٸگٸ ەسكەرتٸلگەن. ونىڭ ٷستٸنە ول جاعدايدى جاقسى بٸلگەن. ادامدارمەن كەلە جاتقانىن ەسكەرۋٸ كەرەك ەدٸ. بٸز كٶشەنٸ جاۋىپ تاستاپ, پاترۋلدٸك كٶلٸكتٸ, قورشاۋدى قويدىق. الماتى اۋدانى ەكٸمدٸگٸنٸڭ قىزمەتكەرلەرٸ وعان كەرٸ بۇرىلۋدى سۇراعان ەدٸ. بٸراق, ول تىڭداماي ارى قاراي جٷرە بەرگەن. ول اينالىپ ٶتۋٸ كەرەك ەدٸ. مومىشۇلى كٶشەسٸنە ول توقپانوۆتى اينالىپ ٶتە الار ەدٸ. ونىڭ ەندٸگٸ جۇمىستا قالۋ-قالماۋىن «Astana LRT» باسشىلىعى شەشەدٸ. ول جەردە باسقا جٷرگٸزۋشٸلەر اينالىپ ٶتكەن. ال اتالمىش اۆتوبۋستىڭ جٷرگٸزۋشٸسٸ ولاي ەتپەگەن», - دەدٸ قوسمان ايتمۇحامبەتوۆ.
ەسكە سالا كەتسەك, بۇعان دەيٸن ەلەۋمەتتٸك جەلٸدە استانا كٶشەسٸمەن جٷرٸپ كەلە جاتقان اۆتوبۋستىڭ سالونىن تولىعىمەن سۋ الىپ كەتكەنٸ جٶنٸندە ۆيدەو تاراعان ەدٸ. كەيٸن «Astana LRT» كومپانيياسى ەلوردادا نٶسەر كەزٸندە سالونىنا سۋ كٸرٸپ كەتكەن اۆتوبۋستىڭ ۆيدەوسىنا قاتىستى تٷسٸنٸك بەرگەن بولاتىن.
