Foto: ashyq derekkóz
Qarjy monitoringi agenttiginiń Astana qalasy boiynsha departamenti «Sincere Systems Group LTD» («S-Group») qarjy piramidasynyń qurylymdyq bólimshesin uiymdastyrý jáne basqarý deregi boiynsha tergeý júrgizip jatyr, dep habarlaidy Ult.kz.
Tergeý málimetinshe, «S-Group» ózin Ulybritaniiada tirkelgen investitsiialyq qor retinde tanystyryp, Forex naryǵynda senimgerlik basqarý, maining jáne SWP, SWCT ishki kriptotokenderimen saýda júrgizý qyzmetterin usynǵan. Kompaniia salymshylarǵa ai saiyn 15–20 paiyz, al jylyna 120–180 paiyz tabys ýáde etken.
Investitsiialyq qyzmettiń zańdy túrde júrip jatqandai áser qaldyrý úshin qatysýshylarǵa kompaniia saity arqyly jeke kabinetke qoljetimdilik berilgen. Onda virtýaldy depozitter, «tabystyń ósýi» jáne eseptelgen qarajat kórsetilip otyrǵan. Alaida is júzinde salymshylardyń aqshasy investitsiialanbaǵan, kúdiktilerdiń jeke qajettilikterine jumsalǵan.
Aldyn ala derekter boiynsha, keltirilgen zalaldyń jalpy somasy 136 million teńgeden asqan. Qylmystyq jolmen alynǵan qarajatqa uiymdastyrýshylar Astana qalasynan eki páter men eki avtokólik satyp alyp, olardy múmkin bolatyn tárkileýden jasyrý úshin senimdi tulǵalardyń atyna rásimdegen. Sot sanktsiiasymen atalǵan múlikke tyiym salyndy.
Kúdiktilerge qatysty elden shyqpaý jáne tiisti minez-qulyq týraly qolhat túrindegi bultartpaý sharasy qoldanylǵan. Tergeý amaldary jalǵasyp jatyr. QR Qylmystyq is júrgizý kodeksiniń 201-babyna sáikes ózge aqparat jariialanbaidy.
