Foto: QR MAM
Roza Baǵlanova atyndaǵy «Qazaqkontsert» memlekettik akademiialyq kontserttik uiymynda Roza Baǵlanova atyndaǵy halyqaralyq vokaldyq baiqaýdyń gala-kontserti ótti. Saltanatty keshte ónerpazdar men baiqaý laýreattary sahna tórinde óner kórsetip, jeńimpazdar marapattaldy, dep habarlaidy Ult.kz.
Baiqaýdyń bas júldesi Medet Orynbaevqa tabystaldy. Birinshi oryndy Merýert Jeldibaeva ielense, ekinshi oryn Sáken Alimhanovqa buiyrdy. Úshinshi oryndy Elvira Mamytova men Aian Baijigit bólisti.
Kesh shymyldyǵy Halyq qaharmany Roza Baǵlanovanyń repertýaryndaǵy áigili «Ah, Samara-gorodok» halyq ánimen ashyldy. Keshke Qazaqstannyń eńbek sińirgen qairatkeri Jeńis Ysqaqova, QR Mádeniet salasynyń úzdigi Perizat Turarova, halyqaralyq baiqaýlardyń laýreaty Asylhan Shalqarov jáne ózge de «Qazaqkontsert» ártisteri qatysty.
I, II jáne III dárejeli oryn iegerlerine diplomdar tabystalyp, ózge qatysýshylarǵa sertifikattar berildi. Sonymen qatar Roza Baǵlanovanyń otbasy atynan Ainaz Rahimzade, Inna Troian, Mýhaddas Alieva jáne Gran-pri iegeri Medet Orynbaevqa arnaiy syilyqtar tartý etildi.
«Qazaqkontsert» ártisteri men baiqaý laýreattary kópshilikke mazmundy baǵdarlama usyndy. Sahnada shyrqalǵan ánder arqyly qatysýshylardyń oryndaýshylyq sheberligi pash etildi. Keshte Roza Baǵlanovanyń repertýaryndaǵy tańdaýly týyndylar oryndalyp, ánshiniń mol shyǵarmashylyq murasy jas býynǵa keńinen dáripteldi.
