Qazaqtyń kórnekti jazýshysy Rahymjan Otarbaevtyń dúnieden ótkenine de bir aidan asa ýaqyt ótti. Jaqyn kúnderi Elordada jazýshynyń baqilyq bolǵanyna 40 kún tolýyna orai quran baǵyshtalyp, arnaiy as berilmek. Sondai-aq qalamger murasy nasihattalyp, kópshilik nazaryna usynylady.
Atap aitsaq, 30 naýryz kúni Astana qalasynda Rahymjan Otarbaevtyń aýdio kitaby tanystyrylady.
«Aq Jaiyq» baspasynan shyqqan aýdio kitapqa jazýshynyń bir top áńgimesi engen. Oqyǵan: Qýat Ahmetjanov. Kitaptyń tanystyrý rásimi QR Ulttyq akademiialyq kitaphanasynda saǵat 16:00-de ótedi.
Sol kúni iaǵni, 30 naýryz kúni kúndizgi saǵat 12:00-de Astanadaǵy «Turan» meiramhanasynda qalamgerdiń qyrqyna arnap as beriledi.
Sondai-aq 24 naýryz kúni Rahymjan Otarbaevtyń dúnieden ozǵanyna 40 kún tolýyna orai jazýshynyń týǵan jeri Atyraýda quran baǵyshtalyp, as beriledi. Al sol kúni saǵat 15.00-de Atyraý-aqparat baspasóz ortalyǵynda aýdio kitabynyń tanystyrylymy ótedi.
Eske sala ketsek, Qazaqstannyń eńbek sińirgen qairatkeri, Mahambet syilyǵynyń laýreaty, Halyqaralyq Shyńǵys Aitmatov akdemiiasynyń akademigi, Parasat ordeniniń iegeri, Atyraýdyń jáne Qurmanǵazy aýdanynyń qurmetti azamaty, belgili jazýshy-dramatýrg Rahymjan Otarbaev 2018 jyldyń 17 aqpanynda dúnieden ótken bolatyn.
