قازاقتىڭ كٶرنەكتٸ جازۋشىسى راحىمجان وتارباەۆتىڭ دٷنيەدەن ٶتكەنٸنە دە بٸر ايدان اسا ۋاقىت ٶتتٸ. جاقىن كٷندەرٸ ەلوردادا جازۋشىنىڭ باقيلىق بولعانىنا 40 كٷن تولۋىنا وراي قۇران باعىشتالىپ, ارنايى اس بەرٸلمەك. سونداي-اق قالامگەر مۇراسى ناسيحاتتالىپ, كٶپشٸلٸك نازارىنا ۇسىنىلادى.
اتاپ ايتساق, 30 ناۋرىز كٷنٸ استانا قالاسىندا راحىمجان وتارباەۆتىڭ اۋديو كٸتابى تانىستىرىلادى.
«اق جايىق» باسپاسىنان شىققان اۋديو كٸتاپقا جازۋشىنىڭ بٸر توپ ەڭگٸمەسٸ ەنگەن. وقىعان: قۋات احمەتجانوۆ. كٸتاپتىڭ تانىستىرۋ رەسٸمٸ قر ۇلتتىق اكادەمييالىق كٸتاپحاناسىندا ساعات 16:00-دە ٶتەدٸ.
سول كٷنٸ ياعني, 30 ناۋرىز كٷنٸ كٷندٸزگٸ ساعات 12:00-دە استاناداعى «تۇران» مەيرامحاناسىندا قالامگەردٸڭ قىرقىنا ارناپ اس بەرٸلەدٸ.
سونداي-اق 24 ناۋرىز كٷنٸ راحىمجان وتارباەۆتىڭ دٷنيەدەن وزعانىنا 40 كٷن تولۋىنا وراي جازۋشىنىڭ تۋعان جەرٸ اتىراۋدا قۇران باعىشتالىپ, اس بەرٸلەدٸ. ال سول كٷنٸ ساعات 15.00-دە اتىراۋ-اقپارات باسپاسٶز ورتالىعىندا اۋديو كٸتابىنىڭ تانىستىرىلىمى ٶتەدٸ.
ەسكە سالا كەتسەك, قازاقستاننىڭ ەڭبەك سٸڭٸرگەن قايراتكەرٸ, ماحامبەت سىيلىعىنىڭ لاۋرەاتى, حالىقارالىق شىڭعىس ايتماتوۆ اكدەميياسىنىڭ اكادەميگٸ, پاراسات وردەنٸنٸڭ يەگەرٸ, اتىراۋدىڭ جەنە قۇرمانعازى اۋدانىنىڭ قۇرمەتتٸ ازاماتى, بەلگٸلٸ جازۋشى-دراماتۋرگ راحىمجان وتارباەۆ 2018 جىلدىڭ 17 اقپانىندا دٷنيەدەن ٶتكەن بولاتىن.
