Astanada jumysqa ornalastyrýǵa kómektesemin dep turǵyndy aldap, iri kólemde aqsha iemdengen kúdikti ustaldy, dep habarlaidy ult.kz.
Polisia.kz málimetinshe, politsiia qyzmetkerleri alaiaqtyq jasady degen kúdikpen 36 jastaǵy er adamdy anyqtaǵan. Tergeý barysynda onyń jábirlenýshiniń senimine kirip, jumysqa ornalastyrý máselesin sheship beremin dep ýáde bergeni belgili boldy.
Aldyn ala derekterge sáikes, kúdikti osy syltaýmen azamattan 800 myń teńgeden astam qarajat alǵan. Alaida ýádesin oryndamai, aqshany jeke qajettilikterine jumsaǵan.
Atalǵan fakti boiynsha qylmystyq is qozǵalyp, tergeý amaldary júrgizilip jatyr. Sonymen qatar politsiia kúdiktiniń osyǵan uqsas basqa da alaiaqtyq áreketterge qatysy bar-joǵyn tekserýde.
Quqyq qorǵaý organdary azamattardy jumysqa ornalasý máselesinde saq bolýǵa shaqyrdy. Mamandar jumysqa ornalastyrý týraly usynystardy tek resmi kózder arqyly tekserip, beitanys adamdarǵa aqsha bermeýge keńes beredi.
Politsiianyń aitýynsha, kúmándi usynystar men zańsyz deldaldardyń qyzmetine júginý qarjylyq shyǵynǵa ákelýi múmkin.
