استانادا جۇمىسقا ورنالاستىرۋعا كٶمەكتەسەمٸن دەپ تۇرعىندى الداپ, ٸرٸ كٶلەمدە اقشا يەمدەنگەن كٷدٸكتٸ ۇستالدى, دەپ حابارلايدى ult.kz.
Polisia.kz مەلٸمەتٸنشە, پوليتسييا قىزمەتكەرلەرٸ الاياقتىق جاسادى دەگەن كٷدٸكپەن 36 جاستاعى ەر ادامدى انىقتاعان. تەرگەۋ بارىسىندا ونىڭ جەبٸرلەنۋشٸنٸڭ سەنٸمٸنە كٸرٸپ, جۇمىسقا ورنالاستىرۋ مەسەلەسٸن شەشٸپ بەرەمٸن دەپ ۋەدە بەرگەنٸ بەلگٸلٸ بولدى.
الدىن الا دەرەكتەرگە سەيكەس, كٷدٸكتٸ وسى سىلتاۋمەن ازاماتتان 800 مىڭ تەڭگەدەن استام قاراجات العان. الايدا ۋەدەسٸن ورىنداماي, اقشانى جەكە قاجەتتٸلٸكتەرٸنە جۇمساعان.
اتالعان فاكتٸ بويىنشا قىلمىستىق ٸس قوزعالىپ, تەرگەۋ امالدارى جٷرگٸزٸلٸپ جاتىر. سونىمەن قاتار پوليتسييا كٷدٸكتٸنٸڭ وسىعان ۇقساس باسقا دا الاياقتىق ەرەكەتتەرگە قاتىسى بار-جوعىن تەكسەرۋدە.
قۇقىق قورعاۋ ورگاندارى ازاماتتاردى جۇمىسقا ورنالاسۋ مەسەلەسٸندە ساق بولۋعا شاقىردى. ماماندار جۇمىسقا ورنالاستىرۋ تۋرالى ۇسىنىستاردى تەك رەسمي كٶزدەر ارقىلى تەكسەرٸپ, بەيتانىس ادامدارعا اقشا بەرمەۋگە كەڭەس بەرەدٸ.
پوليتسييانىڭ ايتۋىنشا, كٷمەندٸ ۇسىنىستار مەن زاڭسىز دەلدالداردىڭ قىزمەتٸنە جٷگٸنۋ قارجىلىق شىعىنعا ەكەلۋٸ مٷمكٸن.
