2023 j. 9 qyrkúiek kúni astanada PRO.NRG FEST – balalarǵa jáne eresekterge arnalǵan ǵylym, óner jáne tehnologiialar festivali ótti.
PRO.NRG FEST –bul tanymdyq otbasylyq ýikend formatynda ótkiziletin aýqymdy ǵylymi-kópshilik is-shara. PRO.NRG FEST ekinshi jyl qatarynan Qazaqstandaǵy eń iri ǵylymi-kópshilik festivalderiniń biri bolyp keledi. Oqýshylar saraiynda kúni boiy lektsiialar, interaktivti shoýlar men qoiylymdar ótkizildi, bul otbasylardy ǵylym men tehnologiialar, qyzyqty ashylymdar men jańa bilim álemine apardy.
PRO.NRG FEST Qazaqstanda STEAM-bilim berýdi damytyp kele jatqan «Caravan of Knowledge» bilim berý qorynyń bastamasymen ótkizildi. Festivaldi ekinshi jyl qatarynan «Shevron» kompaniiasy seriktes retinde qoldap otyr. Bul kompaniia ǵylymǵa, jańa tehnologiialarǵa jáne tiimdi bilim berý sheshimderine degen qyzyǵýshylyqty ulǵaitatyn baǵdarlamalarǵa júieli túrde qoldaý kórsetedi.
PRO.NRG FEST-te is-árekettegi ǵalymdar men zertteýshilerdi kezdestirip, olarǵa saýaldar qoiyp jáne tipti eksperimentterge de qatysý múmkindigi boldy. Festival balalar men eresekterge ǵylymdy jańa qyzyqty jaǵynan qabyldaýǵa kómektesetin umytylmas tájiribe syilady.
“Otbasylyq festival ekinshi jyl ótkizilip jatyr jáne ekinshi jyl barlyq jas ereksheligindegi adamdar bizdiń missiiamyzǵa qosylyp jatyr. Biz bilimge degen yntany qoldaýǵa tyrysamyz jáne zor keri bailanys alyp otyramyz. Osy joly biz elimizdiń barlyq aýmaqtarynan izdegen kóbirek qazaqstandyq biregei spikerlerdi shaqyrdyq – elimizdiń ártúrli jerlerinen kelgen 50-den astam ustazdar ózderiniń innovatsiialyq tásilderimen bólisedi. Sonymen qatar, biz basqa qalalardan, elderden kelgen kóptegen qonaqtardy da kórip otyrmyz, bilim men ǵylymǵa degen umtylys adamdardy sonshalyqty shabyttandyratyny qýantady”, – dep, «Caravan of Knowledge» bilim berý qorynyń jetekshisi Zarina Biiýmbaeva atap ótti.
PRO.NRG FEST – bul sondai-aq STEAM ustazdaryna arnalǵan bilim berý jáne netvorkingtik platforma. S – science (ǵylym), T – technology (tehnologiia), E – engineering (injeneriia), A – art (shyǵarmashylyq) i M – mathematics (matematika). Búginde STEAM-bilim berý pánaralyq jáne qoldanbaly tásilderdi qoldanýǵa, sonymen qatar, barlyq bes pándi birińǵai bilim sulbasyna integratsiialaýǵa negizdelgen.
“1993 jyly «Shevron» Qazaqstanǵa kelgen birinshi halyqaralyq energetikalyq kompaniialardyń biri boldy. 30 jyldan astam ýaqyt biz memlekettiń munai-gaz sektorynyń damýyn qoldap kelemiz. Sol ýaqyttan beri biz eldiń basty resýrsy – adamdardyń, ásirese, jastardyń energiiasyn damytýdamyz. Olardyń tapqyrlyǵyna, shyǵarmashylyǵyna jáne sheksiz múmkindikterine biz senemiz. Bizdiń áleýmettik jobalarymyz adam kapitalyn damytýǵa, dáýlettilikke jáne qorshaǵan ortany qorǵaýǵa baǵyttalǵan. PRO.NRG FEST-ti qoldai otyryp, biz STEAM bilim berý aiasynda ekojúie qalai qalyptasatynyn kórsetkimiz keledi”, – dep, ashylymda «Shevron» kompaniiasy Eýraziialyq bólimshesiniń bas direktorynyń orynbasary Dilan Morgan málimdedi.
Festival qatysýshylardy sabaqta óner men zertteýlerge arnalǵan keńistikti jasap otyrǵan ustaz-novatorlarmen tanystyrdy. Olar oqý qyzyqty jáne tiimdi bolý úshin eń aldyńǵy qatarly bilim berý tehnologiialaryn qoldanady.
“Biz PRO.NRG.FEST ǵylymi otbasylyq festivalin bizdiń STEAM-baǵdarlamalarymyzdy iske asyrý nátijelerin kórsetý jáne aýditoriiany muǵalim-novatorlardyń sátti keisterimen tanystyrý úshin de ótkizemiz. Festival ǵylym men mektep pánderi qyzyqty ári kóńildi bola alatynyn kórneki kórsetedi. Biz osyndai festivalder ótkizýdi basqa qalalar men kompaniialar qostap áketetin trendke ainaldyrǵymyz keledi”, – dep «Shevron» kompaniiasyndaǵy Eýraziialyq bólimshesiniń áleýmettik investitsiialar jónindegi keńesshisi Leila Aitmýhanova atap ótti.
Biylǵy jyly PRO.NRG FEST-tiń bóligi Science on Stage Europe ulttyq kezeńiniń finaly boldy. Bul netvorkingke arnalǵan halyqaralyq alań jáne álemniń túkpir-túkpirinen kelgen muǵalimder ǵylymi pánderin oqytýdaǵy ózderiniń ozyq tájiribelerimen bólisýge arnalǵan saiys. Festivalde 2024 jyly Finliandiianyń Týrký qalasynda ótetin Science on Stage Europe jahandyq finalynda bizdiń oqytýshylar qaýymdastyǵy atynan qatysatyn jeńimpazdar anyqtaldy.
